Kaupapa: Elections

E tatari tonu ana a Will Flavell mo te whakaritenga a Reipa

  • Tāmaki Makaurau

I te Rōpū Reipa e wānanga ana mēnā ka whakatuwherahia anōtia te wāhanga tuku ingoa mō tana tūranga kai-tono ki te rohe pooti o Tāmaki Makaurau, kua tuku tauaki a Julian Wilcox ki te poari matua o Whakaata Māori me te kōrero, karekau ia mō te takahi i te ara tōrangapu.

Koia te patai neha, e mohiotia ana te tino pirangi o Reipa ki tētahi ingoa mana nui mō te turu o Tāmaki Makaurau.

Ao ake i te kōrero a Julian Wilcox, ko te whakaaro ia ka kore e whakatuwherahia anotia otira ka ahu totika ki te whakamana i a Will Flavell tera i tu te ringa i te taha o Shane Taurima i te rauna tuatahi.

Ka mutu, ki te kore a Reipa e whai i taua ara, otira, ki te tuwhera ano ngā tatau he tohu nui tera ki a Will Flavell karekau te rōpū i te whakapono ko ia te tangata tika.

Noreira, i te piiata o nga whetu papaho a Shane Taurima raua ko Julian Wilcox e monehu ana - ko te pātai - ae ranie ko Will Flavell te tangata?

Apiti atu ko te wero nui mena ranei kua tāmi te Roopu Reipa i a ia na āna raru?