Ngā kaupapa: Elections, Politics, Rereātea - Midday News

E tāria tonu ana te motu i a Winitana

  • Te Whanganui-ā-Tara

E tāria tonutia ana te kōrero whakatau a Winston Peters ko tēhea te pāti hei hoa haere kōtui mōna, e pūea ake ai he kāwanatanga hou. 

Hei tā te pirīmia, hei tā Bill English, ahakoa kua noho tahi rātau ko Peters ki te whakarau kakai i ngā kaupapa here maha, kāore anō kia tutuki he hua.

Hei tāna anō, tērā pea ka whakatārewahia anō te putanga mai o ngā kōrero.

Kei te noho mū tonu a Peters, ā, e ai ki ngā kōrero nō nā tata nei tau atu ai ia ki Te Whanganui-a-Tara.