E takahia ana te Toi Akorangi i tētahi atu ara mātauranga

Dean Nathan
  • Te Tai Tokerau

Ko Toi Akorangi te ingoa Māori kua tapaina ki te kaupapa o El Sistema.  He kaupapa rongonui i te ao mō te huhua o ngā painga ki ngā tamariki me ngā whānau mā roto mai i ngā akomanga whakatangi pūoro. Iaianei kua tata pau te tau nō te timatanga mai o tënei kaupapa ki ngā kura o Whangarei.

Kei te tuku te kaupapa nei i tētahi wāhi e rangona ai ngā whakatangitangi pūoro a ngā tamariki.

Hei tā tētahi uri o Ngāti Hine, ta Serena Tilialo, "He rēhia ki a ia te whakarongo ki te violin, te rapu ake i ngā oro violin i YouTube"

"Inā te pai o te kaupapa, ahakoa tāna hūnuku kura e mahi tonu ana ia i te kaupapa, ā, kua kaha ake tōna whakawhanaunga ki te tangata.” te kii ake a Letitia Tapu, o Ngāti Maniapoto.

Kei te kitea rawatia ngā painga kua hua ake i roto i ēnei tūmomo mahi.

Haunga anō ngā utu mō ngā tāonga pūoro, pēnā kahore mō Toi Akorangi e kore e oti i ētahi o ngā whānau nei te pīkau i ngā utu kia whakaako i ā rātou tamariki ki te whakatangitangi i ēnei tāonga.

Nā, e ai ki a Fiona Douglas "kei te kitea ōna hua ki ngā āhuatanga maha o ngā tamariki, ngā whānau me ngā ringa mahi, ki te hapori whānui anō hoki."

Me te tāpiri i ngā kōrero a tētahi māmā, a Sara Hamilton, ko taana "kei te ako pūkenga ngā tamariki, pēnei i te mahi ā-kapa - kei te huhua ngā hua o tēnei kaupapa."

He wāhi anō tēnei e ako ai ngā tamariki ki te mahitahi me te aronui kamutu he tino pūkenga ēnei ahakoa he aha te mahi ki tēnei ao a muri nei.