E rongo ana te wairua kaikiri o Maungawharau ki te Māori: Tomoana

Aroha Treacher
  • Te Tai Rāwhiti

E ai ki te heamana o Ngāti Kahungunu a Ngahiwi Tomoana ka noho tonu rātou hei mohoao kuare mō te take wenerau nei, te ara hīkoi o Craggy Range, i rere hoki ngā tao kupu kaikiri rawa ki āna uri nō te hapori o Maungawharau. 

I poka anō te tinana o Te Mata o Rongokako, ka noho tonu pea mō ake tonu atu.

"I mua i te kirihimete ka whakaae Craggy Range kia whakahou te track kia whakahoki te track i tōna orokohangatanga ka pono mātou ki tērā momo kōrero," tā Tomoana.

I tērā wiki i puta ai te kōrero a Craggy Range tē tāea e rātou pea te whakatutuki i tō rātou kī taurangai, nātemea e ai ki tētahi pūrongo mō te whenua he mea uaua rawa te whakatika i taua ara hīkoi.

"Pukuriri mātou nōtemea e whakapono ana ki tō rātou kōrero tuatahi ki tō rātou kōrero tuarua engari i huri tō rātou tuara ki a mātou i tērā wiki."

Nā, i tuiha e ia he reta ki a Mary-Jeanne Hutchinson, te tamahine o Terry Peabody te kaiwhakahaere matua o Craggy Range, ko tāna nā tō rātou mahi i puta te kaikiri ki te Māori.

Mā te wā hei toro āku ringa ki a Mary-Jeanne he hoa aroha ki ahau i ngā wā o mua kia kōrero kanohi ki te kanohi hei painga mō tātou.

Kāore a Craggy Range mō te hari ki te reta, ko tā rātou ka tau mai pea te ringa o te ture ki a rātou i te whakakorenga o taua ara hīkoi, kāore hoki rātou mō tautoko i te wairua kaikiri.