E rere ana ngā mihi aroha ma Merimeri Penfold ki te Marae o Ngataki

Dean Nathan
  • Te Tai Tokerau

Ki Te Hiku o te Ika, e kī ana te marae o Ngataki e ngā iwi o te motu ki te poroporoaki i tetahi o ngā kuia rongonui o Ngati Kuri a Merimeri Penfold.

No te whare o Potatau te ope tuatahi kia tae mai I tenei ata ki te mau mai i te aroha ngā roimata nga hupe me ngā tini korero ki runga I te toanga o te mate.

Whai muri ana ia Tainui ko nga ope manuhiri no ngā hau e whā.

Ko tā Waratau Houia o Ngati Porou me Te Arawa, “i roto ano ia mātou no reira kei runga I au te aroha o Ngati Porou.  Kei au kei runga i au i tenei wā.  I reira hoki a ia e ako ana kei te mahara paku engari he tamariki tikotiko noa iho ana ahau I tera wā engari kei te mahara. I ngā waka tutaki ano maua ka korerorero.”

E ai ki a Mere Mangu o Ngati Hine, “Ko te kahui o Wikitoria tenei kua tae mai ki te mau mai i te aroha mo ratou e kore e tae ate haere ake I tenei wa e mahara atu ana kia Pare Hopa e tuku mai ana I ona roimata kia mauria mai ki konei.”

I iri ana ki runga i a ia ko Dame Mira Szazy e tohu ana te momo tangata kua puta mai i tēnei iwi o Ngati Kuri  i Te Hiku o te Ika hei rangatira i te ao Māori me te ao whānui ano hoki.

Ko tā Kuni Jenkins o Ngati Porou, “te nui o ngā iwi I tae atu ki te whare wananga o Tamaki Makaurau koia ta matou kaiako mai i te bachelors degree tae atu ki te masters koia.”

Hei te ata apopo te karakia mōna ki Ngataki katahi ka hikina ake to tatou kuia ka whakahokia ki tōna marae o Te Reo Mihi I Te Hapua takoto ai.  Na mai I reira ki tona okiokinga whakamutunga ki te urupa o Mareitu.