E rapu hāere tonu ana tētahi koroua kua ngaro ki Kāwhia

Wepiha Te Kanawa
  • Waikato/Te Waiariki

Kāore tonu e mōhiotia ana kei hea te koeke o Kāwhia, he whitu tekau ōna tau, kua kotahi wiki e ngaro ana.

E whakapono tonu ana te whānau o te koroua kua ngaro nei, o Trevor Smith, ka kitea a ia, ahakoa kua kotahi wiki ia e ngaro ana.

Kua whai whakaahua ngā pirihimana o Kirikiriroa o Trevor, he whitu tekau tau te pakeke, i konei i te hokomaha Pak N Sav, kōtata atu i te tiriti o Clarence i tērā Rātapu, ā, e whakapau kaha ana ngā pirihimana ki te aru i ngā tini huarahi kia kitea ai ia.

Kua kore hoki he tohu, hei tā ngā pirihimana, kua mate kē nei a Trevor, ā, kua whāiti rā ngā tirotiro ki te rori matua tuatoru.