E rangirua ana ngā kaipōti o Tāmaki i te hekenga iho a ngā MP Rōpu Kākāriki

  • Tāmaki Makaurau

E rangirua ana ētahi kainoho o Tāmaki Makaurau ki te rīhainatanga o aua Mema Pāremata e rua i te Rōpū Kākāriki.

"Tino pouri te hekenga o te tokorua nei nā te mea e patata ana mātou ki ngā pōtitanga a motu."

"I mate wheke rāua. He nui ngā pakanga kei te haere ēngari ēra tokorua i mate wheke noa."

Ko tā tētahi, kei te pōuri ia i tā rāua wehenga atu.

"Ki au nei, he tangata tino pai a Kennedy Graham. Kāore i te tino pai a David Clendon ki ahau nei, ēngari kei te āhua pōuri au ki te rongo atu."

E ai ki ētahi kaipōti, kua te kawe a Metiria Turei i te reo o te hunga rawa kore.

"Koia tērā e tautoko ana i tōku whānau, i te hunga Māori e noho pōhara ana."

"Ki au nei, kei te tino kaha a Metiria Turei ki te kōrero pēnā."

Ā, me noho pū ia i roto i ōna whakaaro.

"Me ūpoko māro tonu a Metiria ki te noho ki rung i tana tūranga, ahakoa ngā whakawhiunga ki runga i ā ia i tēnei wā."

Ēngari, ko te whakapae a ētahi, kua tae te wā mō ngā Kākariki kia whai kaiārahi hou.

"Ki au nei, me aukati i a ia, me haere mai tētahi atu, tētahi rangatira ki te whakakī i tōna wāhi."

Ka noho tonu te tokorua tae noa atu ki ngā kōwhiringa pōti.

Ko tā Turei, ka ū tonu ia ki tōna tūranga hei kaiārahi takirua.