Kaupapa: NZ Music

E pahū ana te tokotoru nei i te marea

Mere McLean
  • Waikato/Te Waiariki

Ko Ngatai, ko Maneo, rātou ko Paerau Armstrong kei te whakakanohi i te iwi o Te Arawa i te Whakataetae ā-motu mō ngā Rōpū Pūngawī o Aotearoa kei Rotorua e tū ana. Kei roto rātou i te rōpū Highland Pipe Band nō te taone o Rotorua, nā runga i te āki a tō rātou māmā.

He uri ēnei nō Tūhourangi, Ngāti Wāhiao, e tautokohia nei e to rātou māmā a Leslie Armstrong o te whānau Waaka o Whakarewarewa.

“Ko ngā mahana ko Ngatai rāua ko Maneo ka takaro ka purei raua i te bagpipes me kī, taku pēpē ko Paerau i purei ia i te taramu.”

Koinei to rātou wā tuatahi ki roto i tētahi whakataetae ā-motu, ka mutu, he tū āhuatanga motuhake na te mea kei to rātou kainga kei Rotorua e tū ana.

Ki tā Leslie anō, “he rereke tēnei mo rātou, a, ko taku hoa rangatira nō Ōtautahi, nō te iwi pākeha ia engari kei te hiahia māua kia tiro ake rātou i te taha Māori me te taha Kotimana hoki.

Wha tekau mā iwa ngā pēne Kotimana kei te whakataetae atu.

Nō te tau kotahi mano, iwa rau, rua tekau mā ono i timata tēnei huinga, e rua noa iho ngā wā kāre i tū i te wā i tū te pakanga tuarua o te ao me te rū whenua ki Ōtautahi heoi he huinga ka tū ia tau.

Ki tā Kevin Nally tētahi o ngā kaiwhakarite o te hui, “I timata ngā mahi whakatangitangi ki Aotearoa ki raro i ngā uri o Kōtimana i tae mai ki Aotearoa noho ai, ā, na ratou i haria mai o rātou taputapu whakatangi, ā, i tipu mai reira.” Āpōpō whakahua ai ngā whakaihu waka mo tēnei kaupapa, a tērā tau ka tū tēnei huinga ki roto o Otepoti.