Kaupapa: Education

E ora tonu ana te kura hourua o Vanguard

Tema Hemi
  • Tāmaki Makaurau

He kura tēnei e whai oranga tuarua ki ōna tauira ā ko te ahua nei e whakapono ana te minita mātauranga ki taua kaupapa kia āhei hoki ētahi atu te whai ake i a rātou.

Ko tā te minita mātauranga a Chris Hipkins, "Atu i te kura o Vanguard i tonoa mai ēra atu o ngā kura hourua kia noho rātou i raro i te kāhui kura o Aotearoa, ā hei kura tāuke hei kura hourua rānei."

Ko te whakapae a te pōari whakahaere o te kura me ngā kaimahi o te kura ko te huri hei kura tāuke kia āhei tonu rātou te aro tōtika ki ōna tauira e whai awhina ana.

Ko tā Nick Hyde tumu whakarae o te kura Vanguard Military, "Āe, he nui ngā momo whakapū rerekē arā ko te tuatahi ko te tāhua pūtea ka whiwhi ai mātou ka āhei ahau te whakatō te pūtea ki ngā wāhi hei awhina atu ki ngā tauira e pokaikaha ana."

I whakatūngia i te kaupapa kura hourua e te kāwanatanga o Nahinara me te paati Acy inā wha tau ki muri, ā ko te kāwanatanga o naianei ki raro i a Reipa i whakakorengia.

Ko tā Hyde anō, "kia maumahara rātou ko ngā tamariki e kuraina ki ngā kura hourua i ahu mai i te hunga whakautu tāke. Ka riro kia rātou he pūtea taunaki ahakoa tēhea kura."

Ka whai atu ēra atu o ngā kura hourua i ngā tapuwae o Vanguard kia whai oranga hōu.

He ai ki tēnei pouako o Te Kura Waenganui o Tāmaki ki te tonga a Warren Cook, "He tino raru tēnei e whakakaupehi ana i ngā whānau, i ngā tamariki me ngā kaimahi. Nā te kore mōhia e ahu pēhea ana mātou hei ngā ra e tu mai nei, ā mehemea ka tāea e mātou te whakahaere tonu i tēnei kura."

Ko te tikanga ka whakatau a Chris Hipkins i tana whakautu ki ngā kura hei te mutunga o te marama o Hurae i tēnei tau.