Ngā kaupapa: Treaty Settlements, Tūhoronuku

E noho tōtara wāhi rua mō te tukanga whakatau i ngā kokoraho tiriti a Ngāpuhi

  • Te Tai Tokerau

I ōna tekau mā toru tau hei heamana i te rūnanga, kua tino whakamātauria a Sonny Tau i te iwi e whai whakatau ana ki āna kokorahi.  

Mārakerake kitea tēnā i te hui ā-tau, i te hinganga o tana pūrongo heamana.

Hei tā Te Waihoroi Shortland, kaumātua o Ngāti Hine, kia tae atu ki te kiko o ngā mea i whakahētia e rātou, ka kii rātou e kore e taea te tautoko te ripoata nei, koia i tahuri pērā ai.

Ko tētahi aurukohao i whakahēngia ai te pūrongo ko ngā kōrero mō tā te hapū o Ngāti Hine wehe mai i te Rūnanga.

I whākī a Tau, ko te hiahia a Ngāti Hine kia wehe ai i a Ngāpuhi me te hawhe o ngā rawa, ā, kua raruraru te rūnanga ki tēnā whakatau, e kore rātou e whakaae.

Heoi, hei tā Shortland, ko te mea kē, me āta whiriwhiri he aha te mea e tika ana, hakoa ko te rima tekau, ko te trou tekau mā rima rānei.

Katoa tēnā e hāngai ana ki te tohe mō te mana whakatau i ngā kokoraho, i waenga i a Ngāti Hine me te rūnanga.  Koia pū te whakahē tuarua. 

Ko te kōrero a te Minita Take Tiriti, a Chris Finlayson, kei te hoko te kāwanatanga i tēnei whakaaetanga, e toru miriona taara kua pau i te kawanatanga ki te hoko, inā whakaae ia ki a Tūhoronuku ki te hoko i a Ngāpuhi.

Tērā tērā, he painga tonu o roto i ngā pūrongo ā-tau.  Kua eke te wariu o āna rawa mā tata ki te tekau mā ono orau.  Ko tana hua moni tata ki te whitu miriona taara.

Ā ngā marama tata nei hui tahi te rūnanga me Ngāti Hine, me te wawata he ara whakamua ka puta.