E noho pōkaikaha tonu ana ngā tamāhine o Anthony Rātahi

  • Te Tai Hauāuru

E ātete ana ngā tamāhine a Anthony Rātahi i ngā whakatau o te rīpoata a Te Mana Whanonga Pirihimana e mea ana, i tika te mahi a te pirihimana nāna te māhunga o Rātahi i pupuhi kia mate, i te hōtera o Headlands i Opunake i te tau rua mano, tekau mā tahi.

Ko te tino āwangawanga a te whānau o Rātahi, he aha te take kāore i whakamātauria ētahi atu kōwhiringa i mua tonu i te whakamatenga i a ia.

Kāti ko te hōparatanga a te Mana Whanonga Pirihimana e titiro ana ki te katoa o ngā take mai te tīmatatanga o te mauheretanga, tae noa ki ngā haora a muri mai i te matenga o Rātahi,

Manohi anō, ko te wāhanga i whakatahatia i te rīpoata nei, ko ētahi take mate hinengaro i pā ki a Ratahi, me te whai wāhitanga o ngā ratonga hauora, ka hoki mahara a Cassia ki tētahi anake o ngā wā i whai āwhina a Rātahi mō tōna mate hinengaro.

Nā whai anō, te noho pōkaikaha tonu a āna tamāhine me ngā mokopuna a Rātahi.