Ngā kaupapa: ANZAC, Cook Islands

E maumaharatia ana ngā hoea rima rau o ngā Kuki Airani i tētahi whakāturanga ANZAC

  • Tāmaki Makaurau

E whakahōnoretia ana te koha a ngā hōia e rima rau o ngā Kuki Aireni i whawhai i te taha o ngā hōia Māori i roto i te Pioneer Battalion, i te Pakanga Tuatahi.

Koia nei te tino pūtake o te whakakitenga kua whakaritea e te hapori Kuki Airangi o Tāmaki Makaurau, kia maharatia ai ngā kōrero me ngā mamae o ō rātou tīpuna.

Huri atu huri mai, e kore tētahi e noho puku, heoi hāngai tonu te rōpū Kuki Aireni Creative Mamas, ki te whakatikatika, ki te whakareri mō tēnei kaupapa tino nui.

Ahakoa he kaupapa hei whakanui, hei whakahōnore i ngā tīpuna tērā anō ngā kōrero mamae i hua ake i roto i ngā rangahau, e pā ana ki ngā hōia Kuki Aireni, te katoa o rātou i pāngia ki ngā mate huahua o te wā.

Ki tā te kaiwhakahaere, a Florence Syme-Buchanan, “Malaria, tuberculosis, pneumonia, measles, he maha ngā mate urutā i pā kia rātou, na te kuare te take.”

Nā reira, mā tēnei whakakitenga e huakina ai ngā kanohi o te hunga rangatahi Kuki Aireni, rangatahi Māori hoki, kia hopukina ngā kōrero me ngā hītori o te Pakanga Tuatahi, kia mārama ai te hononga i waenga i ēnei iwi e rua.

E ai ki a Florence Syme-Buchanan, “I uru a mātou hōia ki te Ope Māori Pioneer, a hei te pō nei ka whakanuia tērā take.”

Ka whakarewahia te whakāturanga nei ki te Whare Toi o Mangere, Ngā Tohu o Uenuku a tenei pō.