E mate nui ana ngā whānau Māori i te pikinga utu o ngā tupeka

Aroha Treacher
  • Te Tai Rāwhiti


E mate nui ana ngā whānau Māori i te pikinga utu o ngā tupeka, ko tā ngā kaimahi auahi kore, kei te āta hanga i wā rātou hīkareti kia tino rahirahi te hikareti, heoi he mea kino kē atu tērā ki ngā kai momi hikareti. 
 

"E kaha momi ana rātou i te hikareti, he mea tino kino tērā mō te hauora o te tangata," tā Johanna Wilson, kaimahi auahi kore mō te whare hauora o Te Matau a Māui.


E iwa tekau mā tahi taara te utu mā tētahi pēke tupeka e rima tekau karamu te taumaha, nā whai anō, kei te kimi āwhina ngā kai momi hikareti.
 

"Mā te pikinga utu o te tupeka e whai āwhina ana ngā whānau māori."


Ko ngā whānau māori te hunga kaha ki te kai hikareti na reira i pā kino te pikinga utu i taua hunga.
 

"I kuhu atu au ki ngā whare o ngā kaimomi hikareti, huhua ana o rātou raruraru, heoi ko tāku e whai ana ki whakamārama atu ana ki a rātou ngā pānga o te tupeka," tā Anton Fasso, kaimahi auahi kore.
 


I piki te utu tupeka mā te tekau ōrau i te Hanuere i tēnei tau, kua piki tonu te utu ia tau tae atu ki te tau rua mano rua tekau, heoi ko tā ēnei kaiāwhina me mutu te momi tūpeka.