E matapaetiana ana ka heke tonu te ua ki Te Tairāwhiti

Aroha Treacher
  • Te Tai Rāwhiti

E toro atu ana te ringa awhina o te kawangatanga ki te Tairāwhiti whai muri i te āwhā tuarua kua hahau i a rātou i te wiki kōtahi. He waipuke anō te mate, ā, kua katia amō hoki ētahi kura me ngā rori maha.

"Ki wāku nei mōhio e ono ngā rori kua katia, kua pakaru ngā piriti, a, tatangia ki te toru tekau ngā piriti o Te Tairāwhiti kua katia ērā ngā piriti ko ētahi o ngā tamariki kāore i haere ki te kura," tā Meng Foon, koromatua o Turanga.

Kua katia ngā rori ki Te Karaka, me te īnoi kia kaua e hīrere ai ngā wharepaku, kei te rohe whānui e waru rau ngā kainga e noho kore hiko tonu ana.

"I te ata i raru ai ngā rarangi hiko, he mea tino mōrearea i taua wā kāore e kore i māpurapura aua rarangi hiko," tā Joel Houthuijzen nō Arborists Advanced Tree Solutions.

Nā te kaha o te āwhā i puta te whakatau a te kawanatanga ki te tuku āwhina ki a rātou ki te hapori pāmu hoki.

"Ka tautokongia ngā tāngata katoa o Turanga, o te kaunihera, ngā kaipāmu me te hapori o Uawa hoki e te kawanatanga," tā Meka Whaitiri, minita tuarua ahuwhenua.

Ahakoa e mutu ai te ua i te ahiahi nei, ko te matapae ka kaha rawa te ua anō hei te pō nei.