Kaupapa: Elections

E matapaetia ana ka whakaihuwaka a Meka Whaitiri i te rohe o Ikaroa-Rāwhiti

Te Kāea
  • Te Tai Rāwhiti
Labour candidate Meka Whaitiri with reporter Aroha Treacher

E matapaetia ana ka puta te ihu o Meka Whaitiri nō te pāti Reipa i te rohe o Ikaroa-Rāwhiti, ā, e mea ana a mātau tatauranga pōti, nō te kautetanga tuatahi o ngā pōti tīmata ai tāna ārahi i tēnei tūru.

Hei āpiti atu, kei mua a Te Hāmua Nīkora nō te Pāti Māori e haere ana mā ngā pōti whā mano.  Koinei tā Nīkora tū tuarua i te rohe o Ikaroa-Rāwhiti.  Nō tērā tau tīmata ai tana para i te huarahi o te ao tōrangapū.

Kei te tūranga tuatoru e tū nei ko Marama Fox o te Pāti Māori, ā, ko Hēnare Kani o te pāti Kākāriki kei te tūranga tuawhā.

I whai wā tā mātau karere a Aroha Treacher ki te kōrero ki a Meka Whaitiri i te pō nei.