Ngā kaupapa: Investigation, Politics

E manahau ana te Poari Māori o Whakatōhea i tētehi pakirehua ki a rātou ake

Mānia Clarke
  • Waikato/Te Waiariki
  • Te Whanganui-ā-Tara

E hiahia ana te miniti whanaketanga Māori a Nanaia Māhuta kia mātaitia te poari o Whakatōhea Māori, whai muri i ngā amuamu a ētahi kia tirohia tēnei take.

I ahu mai te pakirehua nei i te īnoi a ngētehi o ngā mema o te iwi me ngā nawe e pā ana ki ngā tūāhua whakahaere me te kōwhiringa pōti ia toru tau mō ngā mema poari. Mā te rōia, mā Michael Heron ngā nawe e ketuketu.

Ko te whakahau a te heamana o te poari ki Te Kāea, e manahau ana ia ki te uiuinga, otirā:

E pupuru ana ia ki te mana o ā rātou mahi whakahaere kia mahea, kia mārama,

Otia, ka mahi ngātahi te poari rātou ko te roia kia wātea ki a ia ngā mōhiohio katoa,

Ka mutu, ka manawanui te mana rātou ki ngā nawe a ngā kaipānga kia ea, kia tau. Ka mihia e rātou te mananui o te rōia i tohua.

Ka whakahoki kōrero a  Heron ki te minita hei te marama o Akuhata, hei reira āta whakaaro, āta tirotiro ia ngā kitenga me te whiriwhiri whakatau.  

Hei tā Māhuta, “I am committed to having this investigation happen in a timely and efficient manner so that the people of Te Whakatōhea can find a resolution and are able to progress with their aspirations for the future."

I whakapā atu mātou ki te Minita a Mahuta mō ngā kōrero kē atu, engari, hei tā tana māngai ka kore ia e whakahoki kōrero atu mō te take, ka waiho kē mā te ture, mā te rōia mā Michael Heron tēnei e āta whakawā.