Ngā kaupapa: Te Arawa, Water, Water

E mahi tahi nei a Polynesian Spa me Toi Ohomai

Mere McLean
  • Waikato/Te Waiariki

He tuatahitanga mo te puna kaukau korohuhū o Polynesian ki Rotorua ki te hono ki te tari mātauranga matua o Toi Ohomai ki te hautū i ngā tauira o Te Pōkairua whakaora atāahua. Ka rere mai a Hannah Farrar mai Tokoroa ia rā na te mea e tino mate nui ia ki tēnei mahi.

“He tino waimarie ahau, tokoono ngā kōtiro i te whai i tēnei tūnga mahi, engari e rua noa iho mātou i tohua”. Koinei te wā tuatahi kua kawehia e Polynesian Spa i tētahi tūnga toru marama te roa ki te taha o tari mātauranga matua o Toi Ohomai. Ki tā Gert Taljaard, Tumu Whakarae o Polynesian Spa, “mo mātou, ko te mahi tahi me te hapori, e mōhio whānui ana a Toi Ohomai hei tari mātauranga matua ko tā mātou kia whakarite i tētahi ara mo a tātau rangatahi kei te takiwa nei”.

Ki tā Julie Garner kaiako matua mo Toi Ohomai ko ngā hua o tēnei mahi ka hoki ki ō rātou tauira. “Kei te tino mihi au ki ngā tauira e rua, he nui tonu ngā tauira i te whai i tēnei mahi, ā, me tono i te tuatahi”. He kotahi tau te roa ki te whakatinana i ngā wawata mo tēnei tūmahi. Mo Helena Keenan tētahi o ngā Kaiwhakahaere o Polynesian Spa, “Ehara i te mea ka motuhake to whakawhiwhi i tētahi tūnga mahi heoi i whakatauhia e mātou mehemea kei te rawa o ngā whakarite, te mahi tahi ā rōpū ka whai wāhi rātou ki te tuku tono mai”.

Heoi, ko rātou katoa ka toa, tae noa ki ngā tauira i tohua hei mahi i tēnei mahi mai i te Hakihea o te tau ka huri tae noa ki te Hui Tangarū o tēnei tau. “Ko taku māmā kei te tino harikoa, koia taku tuarā, ka mutu ana au mai te kura kāre au i te tino mōhio me aha, nō reira ka tahuri tau ki te mirimiri, ka ako, ā, ka whai wāhi ki tēnei tino mahi” ki tā Teneal Karaitiana Kua whiwhi mahi ngā tokorua nei, na runga i ō rāua ngākau nui ki te kaupapa.