Kaupapa: Health

E mahi huhunu tā Te Manatū Hauora te kii a tētahi ratonga hauora Māori

  • Te Whanganui-ā-Tara

E ai ki tētahi ratonga hauora Māori i Porirua, e mahi huhunu ana Te Manatū Hauora me täna tohatoha i a rātou kirimana mahi.

Ki tā te kaiwhakahaere o te whare hauora o Maraeroa, nā te wā poto rawa o a rātou kirimana, ka kore rātou e whai hua i roto i tō rātou hapori pōhara.

He tokoiti noa āna kaimahi, he moku hoki ngā rauemi, engari ka pukumahi tonu a Miss Mclean kia whai oranga.

Ā, e ai ki ngā rangahau a Te Wānanga Aronui o Tāmaki Makaurau, e pērātia ana ētahi atu ratonga hauora Māori, nā te mea kotahi tau noa te roa o tā rātou kirimana i raro i te maru o te Manatū Hauora.

Ki tā ngā rangahau, he nui ake ngā mahi tirotiro, otira hoki a te Manatū i ngā ratonga hauora Māori, i tērā o ngā ratonga hauora matawhānui.  E ai ki a Missy, mēna ka whai mana rātou, ka eke a rātou mahi.

Otira, hei tāna anō, ki te kore e pērā, kei raro kē a Ngāi Māori e pūtu ana.

Ki tā te Manatū Hauora, ka tautoko tonu rātou i ngā ratonga hauora Māori puta noa te motu mā Whānau Ora.