Kaupapa: Crime

E kōroiroi ana ngā kare ā-roto o te tino hoa o Tara Brown

Taroi Black
  • Ahitereiria

E kōroiroi ana ngā kare ā-roto o te tino hoa o Tara Brown.  Ko te whakapae, i haupatua pea a Brown e tana hoa tāne ō-mua. 

He Māori engari i whānau mai i Ahitereiria.

Hei tā te tino hoa o Tara Brown, koia tētahi o ngā toki kaitākaro Māori o Ahitereiria.  He mema hoki o te karapū pāpōro a 2Sharp. 

Rua tekau mā whā noaiho ōna tau, ka mate ia ināpō i ōna wharanga i roto i tētahi whakapae i patu kino ia, i te rohe o Te One Kura.

Koinei ngā whakaahua i mau ake i ngā Pirihimana o Queensland.  E kitea ana tōna waka e tukia ana, ā, nō muri ka hāua ia e tētahi, ki te taputapu maitai.  Kua mauheretia tōna hoa tāne o mua a Lionel Patea mō te kōhurutanga.

E mea ana a Te Rangi, ko Brown tōna ringa matau.  Me tōna moemoeā kia tākaro ia i roto i te tōnamana nunui rawa atu o te āo mō ngā karapū pāpōro.

Kei raro te tamahine a Brown i ngā manaakitanga a tōna whānau.