E kōrerotahi ana te Kaunihera ā rohe me ngā uri o Heretaunga

Aroha Treacher
  • Te Tai Rāwhiti

I rāhuitia te hunga papaho e ētahi o ngā mema o te Kaunihera a rohe o Heretaunga i te hui whakawhiti whakaaro mo te whakatunga o te huarahi matua hou, ki te marae o Ruahapia.

I te tau rua mano ma tahi, i hiahia te Kaunihera a rohe o Heretaunga ki te whakatu i tētahi atu rori matua, ara, he rori ki te raki, engari, i whaarikihia e ngai maori o rātou nawe ki te kaunihera o te karauna, a, ka whakakahoretia te kaupapa rā na ona panga kikino ki ngā whenua Māori.

He akoranga tino roa, he nui hoki te utu ki te kaunihera, no reira, i tēnei wa, e kaha matapaki ngatahi ana rātou me ngai Māori, e kore hoki e whai nei kia whakaturia te rori ki ngā whenua Māori me ngā wāhi tapu.

He tata ki te wha kiromita te roa, tona tekau ma waru miriona tāra hoki te utu o te huarahi hou nei ka whakawhiti atu i te rohe ahumahi o Whakatu, kia iti iho ai ngā waka harihari e poke nei i ngā huarahi.