E kaha whakahētia ana e ngā uri o Ahipara i ngā whāinga o Statoil

Te Kāea
  • Te Tai Tokerau

"Aukatia ngā mahi keri kōhinu a Statoil"

Koinei te umere a ngā iwi kainga o te Taitokerau, i whakakao mai i enei rā whakatā ki Te Kohanga i Ahipara, ki te whakatakoto whakāro, ki te whiriwhiri huarahi e tutuki ai tēnei wero a rātou.

Hei tā Heeni Hoterini, “Tēnei te wā tuatahi kua puta mai te karanga kia hāere mai ngā tangata katoa ki Ahipara, nā te mea e mohio ana tātou i tēnei wā kua timata te kamupene o Statoil ki te rapu pena he hinu ki roto i te moana.”

Hei tā Reuben Porter, “He tino awangawanga mo tātou te iwikainga, nā te mea nō kōnei te pataka mō tātou ngā hapu o Tumoana te tangata, Kei kōnei tātou kaimoana, ngā pāua, ngā kina, ngā kutai, ngā tuatua, na mea katoa o Tangaroa ēnei taonga hei oranga mātou.”

Kua whakahuihui ai ngā reanga maha kia ahei te rongo i ngā hiahia a kuia, a koro mā, a taiohi mā hoki.

Te maha hoki o ngā rōpū waiata mohiotia ki Aotearoa nei i tae atu ki te tautoko, hei tēra raumati kei te hiahia te iwikainga o Ahipara kia rāhuitia ngā takutai moana.