Ngā kaupapa: Environment, Water

E kaha whakahē ana a Ngāti Kahu ki te whakawhānuitanga ki Opua

Te Kāea
  • Te Tai Tokerau

E whai ana tētahi hapū nō roto mai i a Ngāti Hine kia hui rātou ki a Far North Holdings ki te kōrero i te whakawhānuitanga o te tauranga waka ki Ōpua.

E kaha tohe ana a Ngāti Manu i te kaupapa, he tekau mā rua miriona tara te wāriu nei, kātahi anō nei ka whakaaetia e tētahi pae komihana whai ana tēnei i te whakaaetanga. Hei tā Arapeta Hamilton, ko te whakatau i te puehu te hiahia.

Kei te haere tonu ngā tohe a te haukainga o Ngati Manu ki ngā whakaritenga a Far North Holdings ki te whakawhānui i te kotahi heketea ki tēnei whakataunga waka.

Kotahi rau tekau mā whitu ngā whakataunga waka hou ka tapiritia ki Opua. He awa tapu a Taumarere ki te haukainga.

I te tuatahi o Hongongoi i karahuihui atu te Kaunihera a Rohe o te Taitokerau ki tēnei marae, te whakawhiti kōrero me Ngati Manu. Kare ngā kōrero o taua hui i ea.

I whakatū tēnei whakataunga waka tekau mā rua tau ki muri, a, ka tae atu hoki he whā rau ono tekau ngā kaipuke kawe tūruhi ki Opua nei i roto i te kotahi tau engari kei te kopa haere te wāhi. Ko te āwangawanga nui a te hapu o Ngāti Manu, kei kaha rawa te paruparu o tā rātou awa o Taumarere.

I te marama o Here Turi Koka, i reira ka tutu te puehu a ngā taha e rua ki te whakakore te whānuitanga o te whakataunga waka, e toru ra tona roanga.

Kare anō kia whakatau a hea timata ake te whakawhānuitanga ki Opua.