Ngā kaupapa: Health, Youth

E kaha whakaako ana ngā kaupapa hōkakatanga ki ngā rangatahi o te Puku o te Ika

Mere McLean
  • Waikato/Te Waiariki

He rangatahi tamariki iho i te tekau mā rima tau te pakeke e pākia ana e ngā mate paipai pēnei i te mate hieke.  

Ko ngā tatauranga a te Institute of Environmental Science & Research e whakaatu ana, ko te nuinga o ngā tāngata mate hieke i Aotearoa nei, kei ngā Poari Hauora ā-Rohe o Ngā Roto me Te Puku o te Ika a Māui.

Ka nui ngā tau e whakaako ana a Tākuta Tania Pinfold i ngā rangatahi e pā ana ki ngā kaupapa mate paipai.

E ai ki ngā rangahau a te tari ESR ko te rohe o ngā roto moana o ngā takiwā pēnei i a Rotorua me Taupō tae atu ki te rohe whānui te rohe e kaha kitea nei i te nui o ngā rangatahi kua pā ki te chlamydia ki Aotearoa.   

He mātanga hauora mā te rangatahi a Tania Pinfold. Ko tana whakahau me ai tātou i runga i te māramatanga. 

Kotahi mano, kotahi rau, rua tekau mā waru te hunga rangatahi i pā ki te mate chlamydia ki te rohe o ngā roto moana ko te Tairāwhiti te rohe i tuarua mai, rima rau, toru tekau mā waru te hunga rangatahi i pā ki tēnei mate i te tau rua mano, tekau mā wha.