Ngā kaupapa: Kapa Haka, Te Kei - Day 3, Te Matatini

E kaha rata ana te hunga nō whenua kē ki ngā haka o Te Matatini

Wepiha Te Kanawa
  • Te Waipounamu

Tāpiri atu ki ngā mano kaitautoko haka, kua eke mai he manuhiri nō tāwāhi ki Pūtaringamotu ki te whai wāhi ki Te Matatini, ā, ahakoa te whakamataku o ētahi tū me te kore i mārama ki te reo, kāore rawa ērā āhuatanga i whakararu i a rātou.

Ngā taringa kia rite, ngā karu kia mau, mārakerake te kite i te kaha rata atu o te hunga nō tāwāhi ki ngā mahi a Rēhia. Ko tā ētahi manuhiri kua tae mai ki Aōtearoa no Ingarangi me Malaysia e kaha whakanui ana i ngā mahi ataahua kua kitea e rātou ki Te Matatini i tēnei tau.

Ko te wairua Māori tērā e rere haere ana. Ko te kii a ngā manuhiri no tāwāhi i te kaha mataku rātou i a rātou e kite ana i te haka a ētahi o ngā kapa kua tū ki runga i te ātāmira. Heoi kihai tēra i whakararu i tā rātou tino hiahia ki te mātakitaki tonu i ngā mahi.

Hakarongo Mai, e whakahono ana i te marea ki Te Matatini mā te irirangi.

Ko tā Lewi Moeau, tētahi o ngā kaiwhakapākeha o te reo irirangi o Hakarongo Mai, “Ngā haka ngā, ngā mōteatea, ngā waiata ā ringa, ngā poi, whakaeke, whakawātea, waiata tira, ka whakapākehatia e māua ko Rangi McGarvey i te wā e mahi ana ngā rōpū i runga i te atāmira.”

Inā  e kaha rata atu ana ngā manuhiri no whenua kē ki taua ratonga.

Mo ngā manuhiri tuārangi, ko ngā mahi o te tinana he kaha ake i te kupu.