Ngā kaupapa: Education, Kura Tuarua, Te Reo Māori

E hūrō ana Te Wharekura o Manurewa mō te kura hōu

  • Tāmaki Makaurau

E matapaetia ana, mā te whakangao i te rua rau, e whā tekau miriona tāra ki te hoko rawa mā ngā kura i Tamaki Makaurau e mauru iho ai te noho apiapi i ngā kura, ā e tokomaha ake ai ngā akomanga hoki kia hāngai ki te rahinga ake o ngā tāngta ki Tāmaki Makaurau.

Ko tōna rua tekau mā whā miriona tāra o te pūtea ka whakatahatia ki tētahi kura hōu i Manurewa.

E ngana ana te tumuaki o Te Wharekura o Manurewa ki te whakatūnga o tō rātou kura hōu.

Ko tā te Tūmuaki o Te Wharekura o Manurewa, ko tā  Maahia Nathan, "Ka nui te harikoa, ka nui te harikoa i runga i te āhuatanga kei te whakaaro mātou mō ētahi o ā mātou whānau kua huri ki tua o te ārai, whāea Mori, matua JD, matua Les rātou te hunga nā rātou i tīmata i tēnei pakanga."

Ko te whakahau a Minita Tāhūhū Mātauranga a Nikki Kaye ka whakapau i te rua tekau mā whā mīriona tara hei hanga kura hōu mō Te Whare Kura me Te Kura Kaupapa Māori o Manurewa.

Hei tā Katarina, (tauira), "Ka tū rangatira tō mātou wharekura hōu nā te mea, kāre mātou ka tū hei whakarekura anake, kei te tū hei wharekura me hei kura kaupapa."

Ko ta Te Aroha Edmonds, "He tino pai, he tino whakahirahira ngā kare ā-roto e rongo ana mō ngā mea e haere ake nei."

Hei tā Nathan, kua tekau mā rima tau rātou e tohe ana ki te Tāhūhū Mātauranga ki te whakatū whare hōu, ā, nō tērā tau te Tāhūhū i whakaae.

Ko tā Nathan, "He momo hapori reo Māori koirā te tino pikitia whānui."

Nā roto i ngā āhuatanga whakawhitiwhiti kōrero i waenga i a mātou me Tāhūhū katahi ka hinga tērā o ngā kaupapa. Ka tirohia anō e mātou, ka wero anō mātou kia tirohia tā mātou, katahi ka pana mai anō te kaupapa nei ki runga i te tēpū. 

Ka hanga te Wharekura me te kura kaupapa Māori hōu ki runga i tēnei poraka whenua i te huarahi o Browns, ā tōna wā ka hanga te kohanga reo me te kura wānanga.

Ka noho tahi te Wharekura rātou ko te KKM o Manurewa, ko te Tāhūhū Mātauranga ā tērā Rātū, ki te matapaki i te whakawhanake o te kura hōu.