Kaupapa: Rereātea - Midday News

E hotu ana ngā kaihoe nā te tahuna a tētahi i a ratou waka ama

Te Kapa ā-Tihi - Rereātea
  • Tāmaki Makaurau
  • Waikato/Te Waiariki

E toru ngā waka ama i tahuna i Tuakau, i te Puaha o Waikato i ngā hāora tata ka mahue ake nei.

I tēnei wā, kua riro mā te hunga pirihimana tēnei take e āta mātai ake. Kāore e mōhiotia ana nā wai i mahi, engari e rere ana te matapae nā te ringa nanakia i mahi, inā rā, kāore i paku tahuna ngā rākau i tū pātata ki ngā waka.

Kua kaha horapa ēnei whakaahua ki runga o Pukamata. Me he kōrero taunaki tā tētahi, tēnā koa whakapā atu ki ngā pirihimana.