E hōhā ana ētahi ki ngā mahi riri a ngā kēnge i Rotorua

Mere McLean
  • Te Tai Rāwhiti

Tokorua ngā kaihāpai hapori nō te takiwā o Rotorua e hōhā ana ki ngā mahi riri a ngā kēnge, ka mutu, ko tā rāua hiahia, he takahuri i ngā tairo a Kupe mō tēnei take.

He tū tēnei ka whai ake i tētahi riri kariri i tū i ngā rangi okioki nei me tētahi tukinga kēnge anō i te marama kua taha.

He aumangea ngā hapori o Rotorua ahakoa ngā tatauranga taihara e māro nei.

Nō te Rāhoroi ka huri i karangahia ngā pirihimana ki Te Koutu na runga i tētahi taihara ā pū.  Kua whakatau ngā pirihimana e rua ngā tāngata kua mauherehia, ā, he maha ngā hāmene kua tau ki runga i a rāua.

Ki tā Tatauranga Aotearoa, e riterite ana ngā whatinga taihara ki Rotorua.  Nō te Pipiri, he kotahi rau ma rima ngā taihara i te marama ka whai ake i piki tērā tatau mā te toru.  Ko tā ngā kaiarataki hapori kia takahuritia ērā tatauranga. 

Hei tā Stephen Te Moni, “He āhuatanga tēnei ka puta whānui i a Aotearoa otirā ki te ao, heoi anō ēnei mea ka tūpono noa iho mai ēhara i te mea me mataku rāno te tangata, karekau, ko te mea kē me kāua tātau e whakawehi.”

Ka arotake te rōpū hapori o Te Koutu i ngā raru i rere ake ki tā rātou hui ā marama e haere ake nei.