E hīkaka ana ētahi iwi o Taranaki i te whakatau kia whakakahoretia te tono kia keri i ō rātau papa tai

  • Te Tai Hauāuru

E hīkaka ana te wairua o tētahi iwi i Taranaki i te whakatau kua whakakāhoretia te tono ā tētahi rōpū whai rawa kia keri i ō rātou papa tai.

Kua puta te whakatau a Te Mana Rauhī Taiao kia ākiri i te tono a Trans-Tasman Resources Ltd, e tirotiro ana ki ngā oneone i Taranaki ki te Tonga.

He wā whakanui, ā, e hī ana te wairua hīkaka i a Ngāti Ruanui.

E ai ki te whakatau a Te Mana Rauhī Taiao, kāre te tono a Trans-Tasman Resources Ltd kia keri i nga oneone i Taranaki ki te tonga, e whai whakaaro ana ki ngā pānga mō ngā iwi, te hunga hī ika hoki.

Hēoi tērā te whakamā pea o te Minita Take Pūngao, Rawa hoki, a Simon Bridges, i te whakatau nei, i a Trans Tasman Resources Ltd e hari nei i ō rātou pūtea ki wāhi kē.

Kua whakapono te tumu whakarae o Ngāti Ruanui, i mōhio pū rātou ka toa rātou, ā, kua pūāwai tēnā wawata.

Ehara i te wiki pai mō Simon Bridges, ā, kei te noho taumaha pea ia i raro ake i ngā hiahia a tōna Rūnanga kia whai hua ia, ā, me te taumaha anō o te wero a Greenpeace, kua karanga ake kia rihaina mai ia.