Kaupapa: Rena

E hiahia ana Te Rūnanga o Ngāti Awa te unu i te waka o Rena

Taroi Black
  • Waikato/Te Waiariki

Kua puta te karanga ā te Kaunihera ā Rohe o Te Waiariki kia kokiri atu te whakawātanga hei te marama o Pīpiri mo te tono kia noho atu ai te pāenga o te MV Rena ki Otāiti.

Kua mau atu te pāenga o te waka ki Otaiti i waho atu o Tauranga mai i te marama o Kohitātea i te tau 2012.

E ai ki te heamana Komihana Kaiwhakawā a Gordon Whiting i whakahāeretia ngā māngai he wā tika e pupū ake ai nga nekehanga.

Ko ngā mema matua ko te Komihana Tikanga a Rauru Kirikiri, ko te tangata pukenga o te moana hoki a John Lumsden, ko te kaipūtaiao a Tākuta Shane Kelly rātou ko te Kaiwhakawā o te Kōti Taiāo a Gordon Whiting.

E whakahāeretia ana te whakawātanga whai muri i te tono a ngā rangatira o Rena a Costamare Inc.  kia noho atu ngā toenga o te waka ki Otaiti. Engari ko te hiahia o Te Rūnanga o Ngāti Awa kia tangohia te waka.

I te tuatahi e hiahia ana a Costamare Inc. kia kawehia tēnei take i roto i te kōti taiāo engari i te marama o Hākihea ka tahuri ngā whakaaro kia tau atu tēnei take ki mua i te kaunihera ā rohe whakawāngia ai.