Kaupapa: Elections

E hiahia ana te kaiārahi o te Rōpū Act kia kotahi te ture mā te katoa

  • Tāmaki Makaurau

Kua puta mai te Rōpū Act me āna kaupapa whāiti e ngau ana i te wairua Māori, ka mutu, ko tētahi kia hanga i tētahi rōpū kōkiri ka tohu, ka arotake hoki i ngā ture motuhake ā iwi.

Tūtaki mai ki te kaiārahi o te Rōpū Act, ko ia e wawata ana kia whakakore i ngā tūru Māori, me te mea hoki, e ko tāna, ko te Māori tērā, e whai painga nui ana i te Whare Paremata, i roto hoki i te Ture Whakahaere Rawa.

Kua puta a Nāhinara me te kī ake, ka mahi tahi rātou me te Rōpū Act, ā, he whakaaetanga kua tutuki mō te rohe pōti o Epsom.

Nā tērā, ka pēhea te mahi ngātahi a Nahinara ki Te Pāti Māori?

Hei tā te kaiārahi o te Pāti Māori, e wātea ana rātou ki te mahi ngātahi me Te Kāwanatanga o te Rā, ahakoa ko wai, kia whai reo ai ki te tēpu whiriwhiri, kia whakaako hoki i ērā e kūare ana ki ngā kaupapa Māori.

Engari ko tā Act kaupapa here, kāre i te tu takitahi i tēnei tau kōwhiringa.

Ko Colin Craig, te kaiārahi o te Rōpū Conservative hoki tērā i puta i ngā wiki tata nei me āna kaupapa whāiti, kia kōtahi te ture mā ngā iwi katoa.

E whitu wiki anahe ngā wiki e toe ana ki te Kōwhiringa Pōti, ko te oati a te Pāti Māori, ka kore rā ngā tūru Māori e whakakorea.