E hiahia ana ngā Iwi o Te Oneroa a Tohe ki te whakatau rāhui ki te one

Te Kāea
  • Tāmaki Makaurau

I te rā nei i whakaae a Ngāi Takoto, Te Aupouri rātou ko Te Rarawā kia rāhuitia Te Oneroa ā Tohe mo te kotahi wiki whai muri i te ngarohanga a tētahi rangatahi tāne i te Rāhoroi kua hipa, he tekau mā ono ōna tau.

I tae atu ngā pirihimana ki te ākau o Ahipara ki te āwhina i ngā mahi kimikimi i te taiohi nei.

E morearea ana tetahi whānau o Te Rakipāewhenua te kimi i tā rātou tama whai muri i tōna ngarohanga inanahi nei. Ko te rā tuatoru tera o tā rātou hararei ki Te Oneroa a Tohe.  

Kua kotahi rā te haukainga, nga kaieke ngaru me te hunga whakarato ahi e kimi ana i a ia. He uri whakaheke te tama nei nōnā Phillipines. Ka whakaritea he rāhui ki konei.

E awhina ana a Northland Electricity Rescue Helicopter te kimi i te tama, tekau mā ono ōna tau. Puta noa i te motu, tokotoru nga tangata kua toromi i ēnei hararei.