Kaupapa: Health

E heke ana ngā tatauranga hauora o ngā tāne Māori, Pasifika hoki

  • Tāmaki Makaurau

Ia tau, ia tau, e toru mano ngā tāne ka mate i ngā momo mate e taea ana te ārai atu.

He roa ake te wā e ora ana te tāne pākehā i te tāne Māori, mā ngā tau e whitu.

Ko te rā tuatahi tēnei o te marama mō te hauora o ngā tāne, ā, ko tā ngā kai-whakahaere kaupapa, he whakaheke i aua tatauranga  mā te āki i te hunga tāne nui tonu kia āta whakamātauria e te rata. 

He tākuta ohotata a Tom Mulholland, e haerēre ana ki ngā pito o te motu me ngā marae ki te ārai i ngā mate ki ngā tāne.

Hei tā Dr Tom Mulholland, ko te whakaaro pai te mea nui.

E ai ki a Tāne Hauora tokomaha ngā tāne Māori me ngā whanaunga o te Moananui ā Kiwa ka mate rangatahi ake. O nga taane katoa i Aotearoa, kotahi ka mate ia toru haora, wheoi, e ruā haora noaiho mō ngā tāne Māori, moutere hoki.

Hei tohu i te marama hauora taane, i tū te parakuihi ā tau tuawaru o te Tarahiti o Tāne Hauora, ko te whainga, he whakamōhio atu i ngā take hauora tāne, me ngā rautaki rongoā.

Kua whakarewaina te tohu marau o Tāne Hauora ki a MenStartTalking kia whai waahi tonu ai nga taane ki te whakawhitiwhiti korero e pā ana ki ō rātou ake oranga.