Kaupapa: Politics

E haere tonu ana ngā raru kaiārahi o te Pāti Māori

  • Te Whanganui-ā-Tara

E tika ana kia harikoa a Pita Sharples, ko ia tonu tēnā kei mua e ārahi ana.

Ae mārika no te korenga o te Pāti Māori whakatau i te totohe a Pita Sharples me Te Ururoa Flavell mō te kaiārahitanga, kua whakatēpungia he kōwhiringa atu anō i tāna hui motuhake inatahirā.

Ko tā Tukoroirangi Morgan i roto i te hui i puta tētahi huarahi “ka tāea tētahi tokotoru te ārahi i te Pāti, arā ko Te Ururoa, Tariana rātou ko Pita Sharples.”

Engari kua puta i a Tariana Turia tāna whakahau mo te kaiārahitanga o te Pāti Māori, ā kāhore a Pita Sharples i whai wāhi ki tēra. Ko tā Turia i tēra tau me tū a Sharples ki te taha kia tika, kia āhei a Flavell ki te whakakī i taua tūranga.

Kāti i raro i te kōwhiringa e wānangatia ana e te Pāti Māori ka kore ngā kaiārahi, otirā ka parea te taitara ki rāhaki.

Ko tā te Pirimia ko John Key ka mahi tahi tonu a Nāhinara me te Pāti Māori, ahakoa ngā raru kua pupū ake, ko tāna “kāre he paku aha kia mātou mēna he tokorua, he tokotoru kē kei te ārahi i te Pati, i roto i tā mātou whakaaetanga e rua noa iho ngā tūranga kei te wātea ki rō Rūnanga Kāwanatanga, kāre kē tēra i te wahakarerekēhia e Nāhinara”.

I raro i ngā utunga whare paremata, he whiwhinga nui ake tō te kaiārahi i tā te mema, no reira ki te kore he kaiārahi o te Pāti Māori, e tika ana ka whakakorea e rātou taua pūtea.

Ae mārika, he take nui noa atu to te Pāti Māori i te rangi nei, ā e kore e tau noa inangeto nei.

Kairīpoata; Maiki Sherman.