Kaupapa: Education

E eke panuku ana ngā tauira o te kāreti o Pā Harakeke.

Aroha Treacher
  • Te Tai Rāwhiti

Kua papatorutia te rahi o ngā tauira Māori i te kāreti o Pā Harakeke i Te Matau a Māui e angitū ana i te NCEA, nā te panonitanga o tō rātou ahurea i te kura i puta ai ngā hua o roto mai i ngā tau e waru.

"E pā ana i te mamae i te nui o ngā tauira kaore i eke, he rima tekau ōrau noa iho o ngā tauira e tae mai ana ki te kura, i te NCEA he toru tekau ōrau i eke panuku," tā Louise Anaru, tumuaki.
 

He tirohanga hōu i puta nā te panonitanga o te ahurea i te kura me te tautoko a ngā kaimahi, ngā tauira me o rātou whānau me te hapori whānui.

"He wairua tōrunga e rangona ana i te kura nei nā ngā panonitanga hōu, ko tāku i kite ai, ināianei, e hiahia ana ngā rangatahi ki te haere mai ki te kura," tā Sharma Moss, manukura wahine.
 

Kua angitū te pānuitanga i te kura teina, kua hikina te rahi o ngā tauira ki te waru tekau mā toru ōrau, he iwa tekau ōrau o ngā tauira i eke panuku i te NCEA.

"E mōhio ana tātou ināianei mā te mahi tahi tātou nei o te kura, te hapori me ngā whānau kua puta ai ngā hua," tā Adam Ioane, manukura tāne.
 

I whakawhiwhia ki te kura he tohu e rua nō te Pirimia mō a rātou mahi angitū ki te hiki i te mātauranga o a rātou tauira.