Kaupapa: Christmas

E āwhinatia ana e te uepu kai o Maraenui i te hapori

Aroha Treacher
  • Te Tai Hauāuru

Nā te whānui o te ipurangi i whiwhi kai, i whiwhi taonga ā-whare hoki te uepu whiwhi kai o Maraenui, hei takoha ki ngā whānau e noho pōhara ana i te hapori. He tokowhā noa iho i mahi i te mahi mai i te kainga, ko te toro atu i te ringa awhina mö te kore utu ki ngā whānau e noho taumaha ana. 

Ahakoa kua hipa ke te ra Kirihimete, kei te haere tonu te hiakai o te hunga pohara.

I whakarewaina te kaupapa e Mo Tamati, engari kua mene atu ia ki te po i tenei tau, no reira, ma tōna teina, e pikau tonu ana te mahi, otira, ko te paheko ipurangi he tino huarahi ki te whai i ngā mea takoha.

Katahi ano ka whakaae nga kaitaunaki e rua ki te tautoko i te kaupapa nei, ara ko Goodman Fielders, na ratou te paraoa i takoha, ko te pohia hoki o Marewa i takoha i te rima kirokaramu totiti ia wiki.

I tenei, e iwa nga whanau i kitea e ratou ia wiki. I taka hoki ratou he hanawiti mo nga kura i to ratou rohe, heoi, ko te whai mo tera tau, kia mana to ratou uepu kia haere tonu te mahi pai.