E āwangawanga ana ngā iwi o Te Matau a Māui i te nui o ngā tono wai e whakaaetia ana e te kaunihera

Aroha Treacher
  • Te Tai Rāwhiti

Kātahi anō ka whakaae ngā kamupene pounamu wai e rua i Te Matau a Māui kia tango i ngā wai, e hia miriona rita nei te rahi ia tau, mō te mākete o tāwāhi.

Ka mutu, kei te tipu te āwangawanga o te iwi kāinga me tētahi hapū i te maha o ngā tono i whakaaetia e te Kaunihera kia ahu whakamua ai ēnei mahi. 

Nō One Pure International te wāhi nei, ā tona wa ka huri hei wheketere pounamu wai. Ia haora o te rā, ka whakakiihia ngā pounamu e toru tekau mano te rahi ki te wai. He whā rau mano mita te rahi o te wai ka tangohia mai i te manawawhenua o Heretaunga.

Engari, kei reira tonu ngā āwangawanga o ētahi mō te nui o te wai ka tangohia mai i te punawai matua o Te Matau a Māui. Kātahi anō ka whakaae kia tango te kamupene wai, a Elwood Road Holdings i te iwa rau mano mita o te wai ia tau, mō te hoko ki tawāhi.

He kotahi mano whitu rau ngā tono i whakaetia e te kaunihera a rohe o Te Matau a Māui kia hao atu i ngā wai, eaoia, he kotahi rau rima tekau miriona pūtoru mita te rahinga o te wai ka haoa ia tau.

Engari, kāore anō te kaunihera kia mana i tētahi kaupapa here, hei taupoki i te nama o ngā tono kua whakaaetia, heoi e kimi rongoa tonu ana.