Kaupapa: Treaty Settlements

E āwangawanga ana ētahi nā tētahi whanaketanga ki Shelly Bay

  • Te Whanganui-ā-Tara

He kai-pakihi nō roto o Te Whanganui-a-Tara, e rongonui ana mō te whakawhanake whare, kei te hiahia rēti i tētahi pito whenua Māori kei ngā miriona tāra nei te utu.

I te tau rua mano tekau ma waru i utua e te tarahiti o Port Nicholson Block Settlement he tekau ma ono miriona tāra mō te akau nei o Shelly Bay.

I taua wā ko te whakāro kia hangaia e Peter Jackson tētahi whare kiriata ki konei, engari auare ake. Mai taua wā kua noho tahanga te whenua nei.

Ko tā Ian Cassels ki Te Kāea, kua tīmata tāna whakawhitiwhiti kōrero ki te kaporeihana Māori nō rātou te whenua, arā, ki te Port Nicholson Settlement Trust.

Heoi e āwangawanga ana ngā kainoho o taua wāhi kei whakarau aua whakawhanaketanga te taiao o taua wāhi. 

I whakapā atu a Te Kāea ki te rōpu kaitiaki, heoi kihai rātou i whakahoki kōrero i te rā nei.