E angitū ana te poi nō Wharekahika i te ao pāmu

Aroha Treacher
  • Te Tai Rāwhiti

E whai ana a Cody Pahuri i te mahi ahuwhenua koia te manukura o mua o te kura tuarua o Lyttong i taua wā, koia hoki te kāpene o te tira whutupaoro Hurricanes i raro i te tekau mā waru ngā tau te pakeke. Koia tētahi o ngā rangatahi tekau mā tahi noa iho kua whai waahi  ki Smedley Station.

Koia te taitama nō Wharekahika e kawe ana i tōna ake āhua i te ao pāmu.

"Ko tāku e hiahia ai kia whakahaere pāmu mā te hoiho me ngā kuri, koira ngā mea pai ki ahau," tā Pahuru.
 

He rua tekau noa iho ōna tau, kua rua tau aia e mahi ana ki te pāmu o Smedley nei, akuānei ka puta ia.

"Ko Smedley te mea taiea rawa atu o te ao pāmu, e hiahia nuitia ana ngā roopu ki te tuku mahi ki a rātou," tā Pat Portas, heamana o te tā rātou poari.

I whakatūria i te tau kōtahi mano iwa rau toru tekau mā tahi, ia tau tata ki te kōtahi rau ngā rangatahi i tuku tono mai, engari tekau ma tahi noa iho ngā turanga mahi e waatea ana ki konei.

"I kowhiria rātou nā ō rātou pūkenga nui, ko rātou ngā ihumanea o te ao pāmu, kei te āwhina mātou ki a rātou kia tika ai o rātou whanonga," tā Rob Evans, kaiwhakahere pāmu.

Kātoa ngā tauira i kōnei i whiwhi tohu ko Cody tētahi o ērā e whai ana i tōna ake hiahia.

"Ko te whainga matua kia whakahaere i tētahi pāmu whānui rawa, tērā pea ka hoko tōku ake pāmu, koira te hiahia," tā Pahuru.

Kei Waipawa te pāmu nei he rima mano heketea te whānui.