Kaupapa: Education

E anga whakamua ana Te Wharekura o Manurewa

  • Tāmaki Makaurau

E rikarika ana ngā whanau o te Wharekura o Manurewa kua whakatata mai te tutukitanga o te moemoeā, e timatahia ai te hanga he wharekura hou, ki runga i tēnei pito whenua i te rori o Paraone, na te whakamanatanga a te Poari me te Manatū i ngā tohu waihanga whakamutunga.

Neke atu i te tekau ma rua tau ngā whakawhitinga kōrero i waenga i te Poari me te Tāhūhū, e haere ana, e tohetia ana, e pakangatia ana, e tōmuritia ana, heoi hei te otinga kotahi tonu te tuāpapa i ārahi i aua kōrero, ko ngā matāpono o te Wharekura.

Hei tā Bryanne Reed, “Tino harikoa toku ngakau kei te ahua timata tatou ki te whakatū i to matou wharekura hou, hei noho matou ki reira, kei te harikoa ahau ki te kite i te kura.”

Otira, kei roto tenei take i ngā ringaringa o te Minita ianaianei, ko te tumanako a ngā whānau, hei te mutunga o tenei tau pea, hei tera tau ranei ka timata te hanga i te wharekura hou o Manurewa.