E ai ki tētahi wahine o Uku Tōia i tūkinotia ia e te tari whare

Wepiha Te Kanawa
  • Tāmaki Makaurau

He whakahou pea kei mua i te aroaro mō te whare o tētahi wahine kua panaia nei i tōna whare i Uku Tōia.

He rua tekau mā tahi tau a Niki Rauti e noho ana ki tana whare, ā, i tēnei rā i haria atu e ia a Housing New Zealand ki ngā Kōti Take Whare.

Ko tā Ioela "Niki" Rauti tohe, he mea takahi nā Housing New Zealand tana kawenata rēti, i tāna taenga mai ki tōna kuaha i Glen Innes, me te kore e tuku whakamōhio mai e whā tekau mā waru haora i mua.

Kua rua tekau mā tahi tau a ia e noho ana ki tōna whare, he whare kei te hiahia hūnuku te Kaporeihana whare, kia whakahouhia ai te takiwā o Uku Tōia.

Kei roto a Rauti i te rōpū o Tāmaki Housing Group, ā, ko rātou tērā kua kaha tautohe atu ki ngā hūnukutanga whare i roto i tōna takiwā.

I whakapā atu a Te Kāea ki a Housing New Zealand, engari auare ake.  Kua hikina te take nei mō tēnei wā.