E ai ki Te Atiawa, kua huri tuara te Kaunihera o Hutt City e pā ana ki whakaīngoatanga o tētahi taiwhanga hou

  • Te Whanganui-ā-Tara

E ai ki tetahi māngai o Te Atiawa, kua huri tuara te Kaunihera o Hutt City ki te mana whenua, e pā ana ki whakaīngoatanga o tētahi taiwhanga hou ki Taita.

Hei tā Kura Moeahu nā runga i te karanga o te Kaunihera, kua tuku rātou i tētahi īngoa Māori, engari kua taka atu ki te taringa turi.

I manako te hapori ka whakakotahi mai te whare hou nei i a rātou

Engari te āhua nei kua raruraru ngā taura i waenga i te Kaunihera me te iwi Māori o konei.

Kua roa nei te īngoa o Walter Nash e kitea ana ki tēnei taiwhanga, engari e ai ki tētahi māngai o te Kaunihera o Hutt City ko tō rātou hiahia kia uru atu taua īngoa

Kaore anō te kaunihera kia oti i ngā whakaritenga ki te tipako i tētahi īngoa hōu mō te whare nei, engari e ai ki a rātou he mananui tō te hapori.

Hēoi ka whāia tonutia ngā rongoā, engari kāre e kore ka huakina ngā tatau o te whare hou nei i ngā rā tata, he īngoa, he īngoa kore rānei.