Kaupapa: Kapa Haka

E ai ki ētahi kaumātua, kei te rerekē te ao o te haka i ēnei rā

  • Te Tai Rāwhiti

Kua puta te kōrero ā ētahi kaumātua ki Te Mana Kuratahi mō te rerekētanga o te horopaki ka whakamahia ai te kapa haka. I kōrero mai ētahi o rātou ki a Te Kāea mō te rerekētanga o te ao haka i enei rā.

Ko rau mahara e rere ana i te rangahaurunga i te rangi tuatoru o Te Mana Kuratahi.

Ko tā Patricia Teneti he kaumātua nō Te Whānau ā Apanui, "I taku wā me mōhio koe te whakarongo Māori, te kōrero Māori, kātahi ka uru koe ki ngā mea pēnei."

E ai ki a Leena Hake Natana, "He koroua kē, he kūia i te ako i tōku wā engari inaeanei he taitamariki he taiohi kē."

E ai ki a Patricia Teneti, kei te rerekē te horopaki ka whakamahia ai te kapa haka i ēnei rā.

"Ko te mea kē, we didn't have TV, ngā mea pēnei ki tēnei wā, koinā kē, ka haere kē koe ki tētahi birthday, mārena, koirā kē te whakangahau."

He whakatau ka tautokohia e Cappy Karaitiana, he kaumātua nō Ngāti Awa.

"Mō ā tātou tamariki mō ā tātou mokopuna i roto tā rātou noho i tā rātou kura, ko tā tātou kapa haka i mua atu he kapa haka mō ā tātou kuia, koroua, mātua, tīpuna me ā tātou hōea i taua wā."

Engari, ko te āhuatanga ka kitea tonutia i ēnei rā, ko te motuhaketanga o Te Reo Māori i roto i te ao o te kapa haka.

"Kei konā te ritetanga ki taku wā, no reira harikoa ahau."

Ko tā Teneti e wawata ana, kia whai wāhi anō te kapa haka hei kaupapa whakangahau matua i waenga i ngā reanga whakatipu.