E $2.3 miriona te whiu a Mobil ki ngā mahi me ngā utunga whakapaipai

updated
  • Waikato/Te Waiariki

He kīnga hara tā Mobil ki rō kōti i te rā nei mō tāna terenga kōhinu ki te moana o Tauranga i tēnei tau. 

Ki ngā one o Whareroa nei pā mai ai te hinu a Mobil i te Marama o Paengawhawha. E ai ki a Reon Tuanau, me utu te iwi e te kamupene o Mobil te iwi, ki te āta rangahau i ngā wāhi pēnei i pokea.

Hei tāna, “Ehara he patai kia tae mai te putea ki te tangata, engari he patai kia tae mai ngā putea kia āta rangahau te moana.”

Nā te kaunihera a rohe o toi moana a Mobil Oil New Zealand Ltd i hāmene i te kōti ā-rohe i tēnei rā mō te riringi kōhinu.

E ai ki a Tuanau, māngai taiao mā te runanga o Ngai Te Rangi, mā te pūtea tautoko e haere tonu ā rātou mahi rangahau.

“I tēnei wā ka kei te whakaritea he Cultural Impact Assessment kia ata tirohia ki ngā pā mai ngā maringitanga a te hinu mo te tau kei te haere mai kā Ata rangahau ngā pā o aua maringitanga.”

Inapo rā tukuna atu a Mobil i tetahi imera ki ngā hapu , Iwi hoki o te moana nei, me tā rātou tono kia whakamana te kooti i tetahi hui restorative justice I waenga I a rātou me ngā hapū/Iwi hoki.

E whakapaetia ana hei te tekau mā whā o Poutū-Te-Rangi Ka whakawhiua a Mobil, engari te ahua nei ka kōrero kanohi ki te kanohi te Iwi ki a rātou mō tēnei take nui.