Ngā kaupapa: Environment, Rena

Disharmony still present between iwi since Rena

Mere McLean
  • Waikato/Te Waiariki

Hei ko tā Awanuiarangi Black, kaikaunihera taiao mo Te Moana Toi he nui rawa ngā kūrakuraku kei waenga i ngā iwi i pā kino ki ngā whakawhiu o te ūtanga o te Rena i tēnei rā ki tērā o mua o tērā aitua.  Kua rima tau atu i te parekura nui o te maringi mai o te hinu ka noho ki te pae hītori mo Aotearoa haere ake nei. 

Kei tua pea i te tirohanga kanohi o nukuroa te REena engari i te taha maui o Mōtītī ko ngā toenga o tōna tinana e mau tonu ana ki Ōtaiti. 

Hei tā Black, “Kua pau te rima tau me te mea nei kāore anō kia kitea te huarahi ki au ki te ao mārama.”

Nō muri mai i te tukinga o te kaipuke me ngā mahi whakapaipai, ka tū ko Te Kāhui Rangatira a-Iwi o Te Moana a Toi. I tirohia e rātou te huhutinga o te kaipuke me te orangatonutanga o Otāiti. Ināianei, kua huri ngā whakaaro ki te mahi tapoi ki reira. 

“Kei te tōtara wāhi rua ngā iwi mo tērā, ko ētahi kei te tautoko i te wāhanga ki ngā tūruhi i te taha ki te ruku, ko ētahi e mea ana kāre pēna”

O te kāhui rangatira, ko Ngāti Ranginui me Te Arawa ki Tai i tautoko kia noho tonu te Rena ki Ōtaiti.  E ai ki ngā rangatira o te kai-puke, kua kore ngā pīra o te nuinga i whakahē tuatahi i te tono kia noho te kai-puke ki reira. Engari ko Ngāi Te Hapu o Mōtītī kei te tohe tonu, ko tana whakahē ka ki te kōti hei te Maehe.  

“Ko ngā iwi, me ngā hapu kaore e manawa takitahi ana ngā reo, te reo, e pā ana ki tērā.”

Hei ko tā Awanuiarangi anō he kaupapa nui tonu te Rena ki roto o Tauranga me te moana a Toi ā i roto i te rima tau e tū mai nei ko tāna e hiahia ana kia hutia te katoa o Rena.