Kaupapa: Land

Craggy Range demonstrators make way to council steps

Aroha Treacher
  • Te Tai Rāwhiti

Kei te haere tonu te whakahē mo te ara hīkoi o Craggy Range ā i auporo a Ngāti Kahungunu ki waho i te kaunihera o Te Matau a Maui i te ra nei ki te kī atu me tango i taua ara hīkoi mai i Te Mata o Rongokako.

"I kī mai a Craggy Range kua oti kē i a mātou te ara hīkoi nei, me tae mai te katoa, heoi mā tauiwi anake e ahu atu ana ki taua ara hīkoi, nā tō rātou kuare ki ngā tikanga Māori me ngā waahi tapu," tā iwi kainga Kellie Jessup-Barlett-Mohi.

Kua whakaritea ke e te kaunihera he roopu tohutohu motuhake hei kohikohi i ngā kōrero ahurea mo te whenua me ngā mea katoa o taua waahi hei ngā marama heke mai nei.

"Ko tā mātou e whai nei ki whakakotahi ai anō te hapori kia anga whakamua tēnei take, kia tāea hoki ngā kōrero katoa te tau mai ki a mātou," tā Sandra Hazlehurst, koromatua o Heretaunga.

E tū ana ngā pihi o te iwi, nātemea i whakaae atu Te Kaunihera a Rohe o Heretaunga ki te tono kia hangaia taua ara hīkoi heoi kaare te iwi i mōhio.


"Kia whakatikaina i ngā ture e pā ana ki ngā whenua ngā kōrero mana whenua kia tino rangona te kaunihera ērā āhuatanga kia uru mai i ngā ture consenting nē, kia kaua e hoki pēnei ana te kaunihera ki tēnei āhuatanga" tā Bayden Barber, kaikaunihera o Heretaunga.

Kua whakaritea he hui-a-iwi hei tēnei Rāhoroi ki Waimarama, he hui hei matapaki tonu i te kaupapa kia whai rongoa hoki.