Kaupapa: Te Reo Māori

Conflict of interest concerns raised over Te Mātāwai roles

Talisa Kupenga
  • Tāmaki Makaurau

He pānga ka tukitukia pea i te ekenga o te kai-whakataki kawe kōrero mēnā ka tohua ki te poari o Te Mātāwai. Koinei tā te mema mo Reipa a Peeni Henare whai muri i te ekenga o Scotty Morrison hei kanohi hou ki te poari.

E ai ki tenei mema paremata, he pānga ka tukitukia pea ki nga mema o Te Mātāwai pēra i a Scotty Morrison raua ko Willie Jackson, ētahi o ngā reo tataki ki te ao pāpāho.

"Ehara tenei e mea atu ana me whakakorengia ona mahi katoa ki roto i te ao papaho engari me whai whakaaro ia mehemea e raruraru ana te noho ngatahi ana etahi o nga mahi i aianei na me te turanga hou."

Ko tetahi o nga tino mahi o Te Mātawai he kowhiri i nga nekehanga ki nga ropu whakahaere pēra i a Te Māngai Pāho, Te Taura Whiri i Te Reo Māori me Whakaata Māori.

Hei tā Scotty Morrison, he Mema Pāpāho o Te Mātāwai, "Mena ra ka kite au he tukinga whakaaro he tukinga tikanga kei te haere koira te wā e āta w whakaaro ake ai au me etahi atu o aku kaitohutohu he aha te huarahi hei whai kia kore ai tēra tukinga whakaaro tukinga tikanga rānei w whakahōtaetae e whakararu rānei I nga whakatau I nga whiriwhiringa a Te Mātāwai."

Ko Willie Jackson te māngai noho tāone mō Te Mātāwai, he kaiwhakataki hoki ia ki nga hōtaka pēra i a Marae, me Waatea 5th Estate. Ko tāna, he nui tonu ana potae.

"Kei te pai tera ehara he conflict of interest ki ahau i roto i Te Ao Māori. Moumou taima tera korero. Korero ki a Peeni ki te u ki tana mahi i te mea he maha nga tangata e pirangi ki te tu mo tana turu. Kua rongo ahau. Kua rongo ahau i tera korero."

Hei tā Henare, “Mehemea ka pera kei konei au ki te ata wero ki te aro haehae i nga nekehanga o Te Mātāwai e haere ake nei ta te mea ko Scotty tetahi me wetahi atu ano tera pea ka raruraru i runga i Te Mātāwai."

I te taha o te Minita Take Māori, Te Minita Tāhūhū Pūtea hoki ka mahi ngatahi Te Poari Mātāwai ki te kowhiri i nga whakahaerenga o Whakaata Māori. Ko Morrison, ko Jackson hoki tēra.

E ai ki te Minita Take Māori a Te Ururoa Flavell, "I tona mutunga na tena roopu na tena roopu tona ake tangata i whakarite kaore e koa atu kaore e koa mai waiho ake ma ratou ma tera e whiriwhiri."

Ko tā Morrison raua ko Jackson ahakoa nga nawe o Henare kaore raua i te heke i o raua tūnga, engari mena ka kite he pānga tukituki e pa ana ki etahi kowhiringa, ka whakawatea ake raua i a raua anō.