Boys singled out for use of Poi

Heeni Brown
  • Te Tai Rāwhiti

Kei te werohia te uepu Kapa Haka Kura Tuarua Society Incorporated mō āna ture hōu e tapeke kore ai ngā mahi poi a ngā kapa kura tāne. Hei tā Willie Te Aho o te uepū, e mana ana tā rātou e whakatau nei i raro i ngā kaupapa ture.

E ū ana te komiti whakatū i te whakataetae kapahaka kura tuarua nui rawa atu ki tāna kī, i āta whai ia i te tukanga o tāna kawenata, i roto i tāna tango ake i te mana a ngā rōpū ira tahi, pēnei i a Hato Paora, ki te mahi i te poi, mō ngā māka.

Hei tā Willie Te Aho, “Ko te kaupapa matua ko tēnei i tukuna e te Poari matua i tēnei kaupapa matua ki ngā rohe i tēra Hepetema kua puta mai ngā kōrero i te Rāhoroi i taupatupatungia tēnei kaupapa, i te mutunga o te rā, i whakamanahia ēnei ture, nā reira koira ngā ture mo te whakataetae e haere ake nei."

Tekau mā whā ngā mangai no ngā rohe o Te Taitokerau heke iho ki Otakou-Murihiku

No tēnei w ki tonu, puta mai ngā ture hou ki te tauwhainga ā-motu rua mano tekau mā ono.

I raro i ngā ture hou, ka mākangia ngā kapa taitamatane ki ngā wahanga o Te Reo Maori, te whakaeke, te moteatea, te waiata a ringa, te haka, te whakawatea me te wahanga hou o Te Mau Rakau, kaua mō te poi.

“Mehēmea kei te hiahia ki te haere ki runga I tōna ake kaupapa, nā reira mehemea kei te pirangi ratou ki te mahi I te poi hei porotēhe pea kei te pai tēna kei te pai tēna engari kua kore tēra āhuatanga e whakawāngia," hei tā Te Aho.

E mea ana a Te Aho, pēna e hiahia ana te whakarereke i tēnei ture, mo muri mai i ngā whakataetae ka taea. A, me hoki ano te take ki te tēpu hei tono, katahi ka tukuna ki ngā rohe. Hei tāna ano, kei ngā mangai tokowaru te mana ki te panoni i te ture. 

I whakapā matou o Te Kāea ki a Peter Douglas, hei tāna;

  • Tahi ano ka rongo i te take i te putanga mai o ngā ture i tēnei wīki
  • E tumanako nui ana ka whai waahi atu ki ngā kōrero a te komiti ki te take he aha i rereke ai ngā ture
  • He aha te huarahi i whaia ki te whakapa atu ki te hunga e pāngia rawatia ana e tēnei take.

Hei te rima marama tū ai te whakataetae ā-motu.