Australian hīkoi kicks off

  • Ahitereiria

Kua mānu te hīkoi hei whakaāraara i ngā iwi o Aotearoa me ngā iwi manene o Ahitereiria, kia aro mai ki ngā pānga o ngā ture whakauru tangata o taua whenua. Ko te hikoi 'Route 501' i timata i Poihākena i te rā nei, ka peka ki ngā rohe 12 ki te whakapuaki i te kaupapa.

E kii ana te kōrero, e whai paanga ana tenei waahi i Poihakena ki te hunga Māori i pae tuatahi mai ki konei. 

Hei tā tetahi o ngā kaitautoko a Chris Barber, “It was a starting point for Te Pahi and Ruatara and that was the entry point into Australia for Māori and New Zealanders.”

I wehe atu he tima tokoiti mai Poihakena i ngā haora moata o tēnei ata, kia taki ra i ngā kiromita 17 mano puta noa i te motū o Ahitereiria.

E ai ki te kaiwhakahaere o Route 501 a Erina Morunga, kua kōrero atu ratou ki ētahi kua ngaua e ngā ture noho whenua o Ahitereiria, "One guy stood up from Lebanon to tautoko us. He says you know coming from war torned countries, this type of treatment is just not good and it's not right."

He mea tikaro te īngoa Route 501 mai i te wahanga 501 o Te Ture Noho Whenua o Ahitereiria, e whakaae ana kia unu ra i ngā pane uru whenua ma tetahi aromatawai. E tumanako ka tu te hīkoi nei ki Piripane me Te Gold Coast i tēnei ra tonu.

Hei tā te māngai ara poutama o Reipa a Kelvin Davis, “Ko tetahi o ngā whainga o tēnei haerenga, hei tuitui I ngā maramara huri rauna o Ahitereiria, ngā Māori kei tēna taone, kei tēna taone, hei tuituia I runga I te whakaaro kotahi ara ko te hauora o o tatou whanaunga.”

Ka mutu te takinga roa ki Ahitereiria i Canberra a te 19 o Aperira, a, ka whakawhiti mai ki Aotearoa a te rua tekau ma tahi.