Kaupapa: Entertainment

Armageddon: E kare, e pēhea ana tō cos?

Wepiha Te Kanawa
  • Tāmaki Makaurau

Kua rua tekau tau te hui Armageddon e whakaatu ana i ngā mahi sci-fi, cosplay hoki ki Tāmaki, ā, e whakapaetia ana ka neke atu i te whā tekau mano ngā tāngata ka tae atu i ēnei rangi whakatā. E ai ki tētahi kaihanga pueru Māori, kei te piki te nama o ngā uri Māori e tae atu ana ia tau.

Kua hoki mai a Armageddon, ā, kotahi noa te kaupapa e whakaratarata ai te iwi ki te taiopenga ASB ia tau

E ai ki a Herp Ngatai nō Ngāpuhi, kāore e kore ko ngā pueru, he nui ngā haore kua whakapau ngā kaimau pueru kit e hanga I a rātou tino tuakiri, miharo.

Nā Neil Jensen ngā kakahu Iron Man i hanga i ngā whāriki yoga.

E ai ki a Neil Jensen, k otaku aroha ki ngā mahi sci-fi I tutuki taku moemoa, me te mea hoki nā te Māori I hanga.

Nō ngā pito katoa o te motu ngā tāngata o Armageddon. Neke atu i te rima rau tārā te utu mō ēnei pueru, e hia kē nei hoki ngā haora i whakapau ki te hanga. Engari ko te kaupapa matua o Armageddon ko te whanaungatanga.

E ai ki tētahi kaitaunaki Armageddon, he kaha ngā tangata ki te manaki I a koe, ki ētahi he tuturu ēnei pueru, ahakoa I hanga I ngā rauemi koretake.

Engari ehara i te mea ko ngā pueru te matua, tērā ngā āhuatanga hei whakarekareka i ngā momo katoa.

I mea mai a Herp Ngatai I haere mai ia ki Armageddon kit e takaro ki runga I te kēmu Street Fighter a te poupoutanga o te rā. Me taku manako ka toa.

E ai ki te kaiwaihanga ki a Louina Fifita kei te piki te nama o ngā uri Māori ia tau. Kua roa nei au e tautoko ana I tēnei kaupapa, miharo ki ahau te kite I te tokomaha o ngā uri Māori, Pasifika hoki e whai pānga ana ki ēnei mahi

Apopo te rā whakamutunga o Armageddon, ka whakaingoahia hoki te toa mō te wāhanga pueru.