Architectural Design Award for Tanatana Marae in Waimana

Mere McLean
  • Waikato/Te Waiariki

He tohu hoahoa whare mō te ahu mahi moni e korowai nei i te marae o Tanatana, i Te Waimana Kāku. He tohu tēnei i riro i a Ngāti Rere mō te hanga o tō rātou whare mate hōu, e toru rau mano tāra te whiu.

Ko te paihere i te ao tawhito me ngā ahuatanga hōu.  

E ai ki tetahi o ngā mema poari o te Marae a Martin Rakuraku, “Ko tēnei ao tēnei, ā, whakaarohia he wharemate i roto i wērā nekeneke ka whakaarohia ana he whare taonga nō reira e rua wēnei wāhanga o te whare.”

He kotahi rau, rua tekau mano tāra te nui o te pūtea, nā te marae anō i penapena, ā, ka tono hoki rātou ki ngā takuhe rota.  Nā te tari hoahoa o APA i whakatinana ngā wawata.

Hei tā Aladina A Harunani no APA kaihanga whare, “My first word was to them, would you want something nice, would you want something that would celebrate your culture your values and then the quick answer was, 'yeah that would be great' they were only after a sleeping space for their loved ones family and just for photographer but here we were talking about something that would actually look unique.”

No na tata nei ka riro ki tēnei whare te tohu mō ngā whare ahu moni, engari hei tā Martin Rakuraku ehara i te mea ko te whai tohu te whakaaro nui.

“Hiahia tonu he wharemate, he whare taonga te mutunga atu tere tonu te whakamōhio mai ta mātou tangata a Aladina he pai tonu mea kia tūkuna atu ki te ao, ana, i runga tērā ka whakaae atu me te mea anō kāre mātou i te mōhio he aha tērā kei muri i tērā.”

Ko ngā kōrero a ngā kaiwhakawā, he tauira tēnei e kawe nei i te kaupapa o te wharemate me ngā tikanga o te marae.